Բելգիայի պաշտպանության նախարար Թեո Ֆրանկենը չի հավատում, որ Միացյալ Նահանգները ռազմական հարձակում կսկսեն Գրենլանդիայի դեմ։ Սակայն եթե դա, այնուամենայնիվ, տեղի ունենա, նրանք ունեն պլան «Բ», հայտնում է Het Laatste Nieuws-ը։
«Մենք չենք պատրաստվում պատերազմ սկսել Գրենլանդիայի պատճառով, չէ՞», — ասել է Ֆրանկենը՝ հավելելով, որ գոյություն ունի պլան «Բ» այն դեպքի համար, եթե ԱՄՆ-ը ռազմական գործողություններ ձեռնարկի։
Եթե ԱՄՆ-ը, այնուամենայնիվ, որոշի ռազմական ճանապարհով օկուպացնել Գրենլանդիան, դա կնշանակի ՆԱՏՕ-ի վերջը, կարծում է Ֆրանկենը։ Նա դա անվանում է տխրահռչակ «կարմիր գիծ»։
Այդ դեպքում անմիջապես ուժի մեջ կմտնի պլան «Բ»-ն։ Սակայն նա չի ցանկանում շատ խոսել այդ պլանի մասին։ «Պլան «Բ» միշտ էլ կա։ Դրա մասին շատ խոսել պետք չէ, բայց պլաններ միշտ գոյություն ունեն», — ասել է նախարարը։